متخليك فى حالك وبص ادامك

السلام عليكم ورحمه الله

كل سنه وانتم بالف خير على الامه العربيه والاسلاميه

ويعيدوا علينا يارب كلنا بالخير وتبقى كل ايامك احلى من العيد

كفايه بقى كلام مزوق وندخل فى الجد لو تسمحوااا

ماشى فى الشارع لابس لبس العيد وفرحااان ومتهنى

لبيا ولا عليا شويه شله غلسه اه اه والله غلسه واتمه كمان

تبصلك بصه احتكار لالا احتقااااار

من فوق لتحت كده وبعدين تلاقى شفيفهم مدلدله وتف عليك وتمشى

يعنى مش بتف بالمعنى الظاهر

انما بتحس انهم نفسهم يبعتوك بعثه عشان تسلك الجو بين فتح وحماس

والمهم تبص انتا بقى على الحلوين المقطقطين اوى دول

تلاقى اللى مسقط الزعطلون واللى متكهرب ومركب فى شعره مسامير

واللى لابس فروه الخروف وعملها بروكه فوق شعره

يعنى مناظر استغفر الله بس هنقول ايه؟؟!

سواء ان كانوا بنات وبنات او ولاد مع ولاد

المهم يعنى الواحد بيبقى ماشى يضرب كف على كف

يعنى العالم دى لا تسيب الناس فى حالها

مشيا باحترامها ولا تحترم هو نفسها

والله بيشككوا الواحد فى نفسو

وعلى فكره بجد ده موضوع يستاهل انى اكتبه

لانه حقيقى شيى او مش حقول عليه شيى هى ظاهره

لانو زمان كان كل واحد فى حالو ا وده مش معناه انهم كانوا وحشين وبعاد عن بعض

لا خااالص كانت الناس مع بعض اسره وحده وعيله واحده

فى احترام وموده

ماعلينا عشان منقلبهاش دراما

انهرده عيد

ومش حطول عليكوا اكتر من كده

انهرده عيد واسيبكم بقى مع اصحابكم

وبحذر لو حد بصلكوا البصه دى

اجرى بسرعه وتف عليه قبل مهو يتف عليك

تحيتى ليكم يا احلى الحلوين

الله يا نوده عليكى
بجد موضوع رائع ويستحق النقاش
الناس زمان كانت ى حالها وطيبه
لكن دوقتى الناس بقت حشريه وبتتدخل فى اللى ملهاش فيه خالص
وكمان ممكن تكون فيه مشكله صغيره وهما لما يتتدخلو يشعللوها وتبقى مشكله كبيره جدا
ما علينا
ربنا يهدى الجميع

shahe كتب:الله يا نوده عليكى
بجد موضوع رائع ويستحق النقاش
الناس زمان كانت ى حالها وطيبه
لكن دوقتى الناس بقت حشريه وبتتدخل فى اللى ملهاش فيه خالص
وكمان ممكن تكون فيه مشكله صغيره وهما لما يتتدخلو يشعللوها وتبقى مشكله كبيره جدا
ما علينا
ربنا يهدى الجميع

[b]شكرا كتير ليكى يا شاهى

وفعلا والله الناس بقت حاجه لا تحتمل بعضهم والله

لسه بردو فيه ناس محترمه

تحيتى شاهى