نهايه الكدب

من طرف ساره العواني الخميس ديسمبر 13, 2007 12:46 pm

كان وياما كان يا ساده يا كرام ومايحلي الكلام الا بذكر النبي عليه الصلاة والسلام
كان في ولد جميل اوي عايش في قريه واهلها طيبين جدا جدا
وكلهم بيحبو يساعدو بعض اوي ومخلصين لبعض جدا
بس كان الولد ده في عاده وحشششششششه جدااااااااااا وهي (الكدب ) :x
:evil: كان الولد ده بيروح كل يوم يستحمي في البحر اللي عند اول القريه
وكل ما ينزل البحر يصرخ ويصوت ويعيط ويقول:الحقوني الحقوني انا بغرق الحقونييييييييييييي
وكان الفلاحين يجرو عليه بسرعه عشان ينقذو من الغرق واول مينزلو البحر يضحك ويقول ضحكت عليكوا
وتاني يوم ينزل البحر تاني ويعيط ويصرخ ويقول :الحقوني الحقوني انا بغرق حد ينقذني حد يلحقني
ويجري عليه الفلاحين عشان ينقذوه ويضحك تاني عليهم ويقولهم:انا ضحكت عليكم تاني انا ضحكت عليكم تاني
ويوم ورا يوم يكدب عليهم وهما يصدقوة
ولكن جاه في يوم ونزل البحر وفعلا جت موووووووووووجه كبيييييييييره
وسحبته جوة خااااااالص وبعدين اعد ينادي عليهم ويقولهم الحقوني الحقوني انا بغرق انا بغرق
ولكن المرادي محدش صدقه وقالو لبعض ده بيضحك علينا وبيكدب علينا تاني
ومفيش حد راح ينقذه وغرق الولد نتيجه الكذب بتاعه :no:
وتوته توته خلصت الحدوته
حلوة ولا منتوته؟؟؟؟؟؟؟؟؟::

من طرف **shahe** الجمعة ديسمبر 14, 2007 8:35 am

يا حرام
صعب عليا الولد الصغنون اوى
لكن اللى بيكدب بيروح فين
مارينا طبعا
:lol:
تسلم ايديك يا ساره على الحدوته الحلوه ديه واللى ياما سمعتها زمان
مستنيه حداويت تانى