أسئلة أمتحان السفاره المصريه للحصول على الجنسيه

من طرف **shahe** الإثنين ديسمبر 10, 2007 1:14 pm

السؤال الأول:

اختار من بين الأقواس الكلام الصح

1- حنان ترك اتحجبت يعني............

(لبست جزمة - لبست ساعة - لبست ايشرب)

2- اللي بنى هرم خوفو............ ..

(طلعت مصطفى - المقاولون العرب - مقاول عادي - خوفو)

3- اللي بنى..بنى مصر كان في الأصل......

(حلاق - نجار - تاجر مخدرات - السيد - حلواني)

4- البرنامج اللي بيجي على القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............

(يا ماما - يا بابا - يا خالو - يا ريس - يا مصر)

5 - مصر هى أمي نيلها جوا...........

(بطني - رجلي - جيبي - دمي)

6- رئيس النادي المصري القادم

(السيد متولي - السيد متولي - السيد متولي - كل ماسبق )

السؤال الثاني:

أكمل الجمل الآتية بكلام م الآخر

1- انتبه من فضلك السيارة ترجع إلى............ ......... ...

2- ماما زمنها............ .......

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..

السؤال الثالث:

ضع علامة صح أو علامة غلط أمام الكلام الجاي

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- اللي بيته من سيراميك ميحدفش الناس بالبلاط ( )

4- شاي الجوهرة حتة سكرة ( )

5- يحكم مصر النظام الملكي ( )

حلوهم بقى وابقو قابلونى لو عرفتو تاخدو الجنسيه المصريه بعد الأسئله الصعبه ديه كلها

:lol:

من طرف **ندى** الجمعة ديسمبر 14, 2007 3:47 am

طيب والله يا شاهى الموضوع ده يستحق يتحط فى سياااااااسه :P

[b]ده مهزله والله كل من هب ودب بياخد الجنسيه من غير حتى ميكح كحه

تحيتى شاهى

من طرف **shahe** الجمعة ديسمبر 14, 2007 8:05 am

نوده
حطيته فى الحته اللى تعجبك
وادخلوها آمنين ادخلوها سالمين مصر بلد ترحب بكل الزائرين
:bounce:

أسئلة أمتحان السفاره المصريه للحصول على الجنسيه

أسئلة أمتحان السفاره المصريه للحصول على الجنسيه

رد: أسئلة أمتحان السفاره المصريه للحصول على الجنسيه

رد: أسئلة أمتحان السفاره المصريه للحصول على الجنسيه