الى كل من يرغب فى المساعده

طيب خلاص حصل خير وانا قربت اعرف صلب الحكايه

وبالنسبه لموضوع المو بيلات كان من الاحسن بقى تقترحى قسم للثيمات مش للموبيلات بس

وان شاء الله نتناقش فى الموضوع ده قريبا

السلام عليكم ورحمة الله وبركاتة
أولا بشكرك يا شاهى أنتى وندى على أهتمامكوا فعلا بتطوير المنتدى بس كان ليا تحفظ بسيط بلاش حكاية السياسة دى لآن مع أعتقد أننا مش بناخد بالنا قوى منها ولكن ممكن نعمل قسم القضايا على أساس هناك مشكلات عديدة بتحصل أمامنا ومش بنلاقى ليها حل ولو لقينا يبقى بعد عمر طويل والحمد لله المنتدى بتاعنا فيه ناس محاميين وقضاه على أعلى مستوى وممكن يكون بعد ربنا طبعا ممكن يفيدوا اللى عنده مشكله وأيضا مقترحاتهم يستفاد منها الجميع دا بالنسبة لركن القضايا أو السياسة .
أما بالنسبة لقسم الرياضة ممكن زى ماشاهى قالت نخليه مقترن بالمنتدى ونخليه أسمه كلام رياضى
وكمان أحب أنوه على أن مافيش مثلا أيكونات شعار مثلا للاهلى أو الزمالك علشان يوضع على المواضيع الهامة والجادة وكمان لازم أيكونة الكرة نفسها لكى يضفى على كاتب الموضوع وقارء الموضوع أحساسه بأن هناك فعلا خبر رياضى
دا بالنسبة لوجهة نظرى ولكم حرية الأختيار أو اتعديل وكل عام وأنتم بخير

biker كتب:السلام عليكم ورحمة الله وبركاتة
أولا بشكرك يا شاهى أنتى وندى على أهتمامكوا فعلا بتطوير المنتدى بس كان ليا تحفظ بسيط بلاش حكاية السياسة دى لآن مع أعتقد أننا مش بناخد بالنا قوى منها ولكن ممكن نعمل قسم القضايا على أساس هناك مشكلات عديدة بتحصل أمامنا ومش بنلاقى ليها حل ولو لقينا يبقى بعد عمر طويل والحمد لله المنتدى بتاعنا فيه ناس محاميين وقضاه على أعلى مستوى وممكن يكون بعد ربنا طبعا ممكن يفيدوا اللى عنده مشكله وأيضا مقترحاتهم يستفاد منها الجميع دا بالنسبة لركن القضايا أو السياسة .
أما بالنسبة لقسم الرياضة ممكن زى ماشاهى قالت نخليه مقترن بالمنتدى ونخليه أسمه كلام رياضى
وكمان أحب أنوه على أن مافيش مثلا أيكونات شعار مثلا للاهلى أو الزمالك علشان يوضع على المواضيع الهامة والجادة وكمان لازم أيكونة الكرة نفسها لكى يضفى على كاتب الموضوع وقارء الموضوع أحساسه بأن هناك فعلا خبر رياضى
دا بالنسبة لوجهة نظرى ولكم حرية الأختيار أو اتعديل وكل عام وأنتم بخير

اولا شكرا ليك يا بيكر على ردك واهتمامك

ثانيا موضوع الايقونات ده موضوع صغير وممكن حله بسرعه وبسهوله

ولكن احنا بنتكلم الاول فى موضوع اكبر وهو اقسام المنتدى

يعنى انت لو عندك بيت هتهتم الاول ببناء الحجرات بتاعته

ولا ديكور حجره الصالون

فهمتنى؟؟

واحنا الحمد الله ركبنا الاستايل الجديد

والمرحله التانيه هتكون اضافه او تعديل الاقسام

ولا نخلص منها

نبتدى نعدل الايقونات والحاجات الفرعيه

ارجو تكون فكرتى وصلت

تحيتى للجميع

أولا السلام عليكم ورحمة الله وبركاتة وكل سنة وأنتى وكل الأعضاء بخير وسعادة وعيد مبارك علينا وعليكم أجمعين .
ثانيا بشكرك يا ندى على ردك وأهتمامك
ثالثا من الواضح أنك ماقرأتى كلامى كويس يا ندى علشان قبل ما اتكلم فى أيكونات اتكلمت فى ركن السياسة وقولت بلاش ركن السياسة هذا ونخليه كلام قضائى نعرض فيه مشاكل والحلول بتاعتها للى عنده أى مشكلة لكن ركن السياسة مع أظن أنه ما أحد مهتم بيه قوى وبعدين أتكلمت فى الأيكونات .
وفى قسم الرياضة قولت نخليه زى ما شاهى قالت كلام رياضى وبدل ما أكون أسمى الرياضى الأول نخليه المدير الفنى علشان الكلام يبقى متصل بالأحداث اللى بتتكتب وتجذب القارئ .
وكمان فى أقسام أيضا أحب التنوية إليها ويارب تعجبكوا مثل ( يوميات الأعضاء ) مثلا يعنى كل عضو مثلا يكتب موضوع واحد فقط فى اللى حصل فى يومه من أول ما صحى لحد ما نام .. ويسمح لباقى الأعضاء بالرد والتعقيب عليه .
وقسم أخر نسميه (كلام رومانسى) والقسم دا يهتم بمواضيع الحب والمشاكل العاطفية .
وقسم ( منتدى السيارات ) يهتم بأحدث موديلات السيارات ( ولو شيفاه ماله لازمة عادى اللى تشوفوه .
وقسم نسميه ( كلام رجالى ) ودا يهتم بأحدث صرعات الموضه للرجل ,بدل ، ساعات , أحزمه , أحذية , نظارات , أزياء , عطور ودا نخليه مثل ركن المرأه علشان نهتم بالشياكة من الجانبيين ولو معترضة أو شايفة أسم أفضل من هذا مافى مانع ممكن تغيرى أسمه لو هناك أفضل بس أنا بختار القسم يمشى مع أسم المنتدى .
ودول بعض الأفكار وطبعا الى تشوفوه كويس أعرضه فى المنتدى واللى شايفينه لسه شويه أو ماله لازمه الأن ماتعرضهوش .
وكل سنة وأنتم طيبيين والسلام عليكم ورحمة الله وبركاته

السلام عليكم

شكرا كتيــــر ليك يا بيكر

بس فى حاجات كتير انا مش فهماها فى اقتراحاتك

انا بس رديت دلوقتى عشان اقولك ان كلامك مهم جدا وكلام باقى الاعضاء

بس معلش مش هقدر اعقب على اى نقطه دلوقتى لانى عندى ظروف

ولى اكيـــــــــــد رجعه هنا

تحيتى وكل عام وانتم بخير

وأحنا كلنا فى أنتظارك يا ندى

وأن شاء الله تعدى الظروف دى على مليون خير

واللى مش فهماه أنا تحت أمرك وتحت أمر أى عضو

وأوضحلك وأوضحلهم وجهت نظرى نقطة نقطة

وكل عام وأنتم بخير وبألف صحة وسعادة

رائع جدا التواصل الجميل بينا ده
وكمان معظم الأفكار رائعه ومفيده
وان شاء الله سيتم تنفيذها تباعا
بعد مناقشتها مع ندى لما ترجعلنا بالسلامه
ويارب ظروفك تعدى على خير ودايما طمنينا عليكى
وياريت تحطى الشريط اللى كنا بنغير منه الخط واللون ونحط منه لينكات الصور

نوده
ضرورى ضرورى
تحطى الشريط اللى كنا بنغير منه الخط واللون ونحط منه لينكات الصور
لأنه مش ظاهر عندى خالص فى الرد السريع او الرد العادى
ضرورى ضرورى
وشكرا