٨ يناير آخر تأجيل لطعن نادي القضاة ضد وزير العدل

من طرف **biker** الأربعاء ديسمبر 05, 2007 10:30 am

استأنفت محكمة القضاء الإداري أمس نظر الطعن المقام من المستشار زكريا عبدالعزيز بصفته رئيس نادي القضاة ضد المستشار ممدوح مرعي وزير العدل لإلغاء القرار الصادر بتجميد الدعم المالي المقرر للنادي، وقدم دفاع وزارة العدل في جلسة أمس مذكرة،

أكد فيها أن الدعم الذي كانت تقرره الوزارة للنادي كان ينفق في غير أوجه النشاط المخصص له، وهو ما دفع الوزارة إلي إلغاء هذا الدعم، فيما طلب دفاع نادي القضاة حجز الدعوي للحكم، والتمس عدم الإطالة في نظر الطعن.

وقررت المحكمة، في نهاية الجلسة، التأجيل إلي جلسة ٨ يناير المقبل لتقديم المذكرات الختامية من طرفي الدعوي والتعقيب علي المذكرة التي قدمتها الجهة الإدارية علي أن يكون ذلك آخر تأجيل. عقدت الجلسة برئاسة المستشار أحمد الشاذلي نائب رئيس المجلس بأمانة سر سامي عبدالله.

كان دفاع النادي طلب، في جلسة سابقة، الحكم بإلغاء قرار الوزارة تجميد الدعم المالي، الذي تسبب في توقف أنشطة النادي لخدمة رجال القضاء، كما طالب بضرورة إلزام الوزارة بإلغاء البطاقات الشخصية التي أصدرتها لأعضاء النيابة العامة والقضاة، وبها شعار الوزارة، وموقعة من أحد مساعدي الوزير لما يعنيه ذلك من تبعية القضاة لوزير العدل، وهو ما يخالف قانون السلطة القضائية.

من طرف **shahe** الأربعاء ديسمبر 05, 2007 11:53 am

خبر مهم فعلا
انا سمعت انه عمل كده عشان فيه وكيل نيابه أصدر حكمين عكس بعض على شخص واحد فى نفس الجلسه
وده طبعا غلط
بس كده الوزير حسب الكلام ده يبقى طبق مبدأ
الحسنه تخص والسيئه تعم
يعنى واحد غلط الباقى يتعاقب ليه
ولحد دلوقتى انا مش عارفه الحق فين

شكرا بيكر

من طرف **biker** الخميس ديسمبر 06, 2007 9:12 am

لو عاوزة تعرفى أخر التفاصيل أكيد هتلاقيها عن القاضى بتاعنا
بس لو عاوزة تدورى على الحق فين دى يبقى هتقعدى عمرك كله
تدورى عليه وعلى فكرة أحتمال يخليه من عجائب الدنيا السبع
ويبقى 8 علشان بجد مش عارفين الحق فين والباطل فين

مشكورة ياشاهى على ردك على موضوعى

من طرف **shahe** الخميس ديسمبر 06, 2007 4:25 pm

biker كتب:لو عاوزة تعرفى أخر التفاصيل أكيد هتلاقيها عن القاضى بتاعنا
[/color]

فعلا هو صاحب الأخبار الحصريه

من طرف ساره العواني السبت ديسمبر 08, 2007 3:31 pm

الحق الضايع يا جماعه مش في الموضوع ده بس
ده في كل المواقف اليوميه اللي بتحصلنا
لو ركزنا في كل موقف بيحصلنا كل يوم هنلاقي ان حقوقنا كلها ضايعه
موضوعك مهم يا مصطفي
ياريت توافينا دايما بالاخبار الجديده

من طرف **shahe** الأحد ديسمبر 09, 2007 9:35 pm

ساره العواني كتب:
موضوعك مهم يا مصطفي

مصطفى مين يا ساره
سلامة الشوف يا حبيبتى
ده بيكر
ركزى يا قمر

٨ يناير آخر تأجيل لطعن نادي القضاة ضد وزير العدل