بعض حركات الشباب بالمنتديات وغرف الشات

من طرف **shahe** الأحد ديسمبر 02, 2007 11:40 am

مع كامل احترامي لجميع الأعضاء من الشباب

- اول ما يقرا اسم بنت يكلمها بالخاص و لو ما ردتش عليه يفضل يتكلم ويتكلم واذا ما ردتش يشتمها
قال ايه عشان عملت عليه بلوك

- وشوفو بقى لو ردت البنت عليه يعمل فيها الشاب الرومانسي اللي حب وانجرح وغدرته حبيبته وانه محتاج لواحده تفهمه ويبتدى بافلام فاتن حمامه وتايتنك
قال يعنى هو الحبييب واللي ينغدر بيه و تلاقيه كل يوم مع واحده ويعيد الاسطوانه

- وشوفو لما يكلم البنت يقولها انا عندي عربيه سعرها كذا وكذا وبابى بيدينى كل يوم مصروف كذا وكذا
وتلاقي عربيته 128 وابوه بيديه بالشهر 20 جنيه

- وشوفو يعمل ايه لو البنت ردت ولا ادلعت يفضل من اول شات احبك وما حبيتش غيرك
وتلاقيه قايل نفس الكلام لستين بنت قبلها

- لا اهم حاجه لما تكون بنت خفيفه وترضى تكلمه شوف بقى يعمل فيها العاشق الولهان وياذيها تلفونات ولو حبته تكشتف انه ابو رنه ده اللى عنده فلوس و العربيه الفلانيه حتى رصيد الموبايل معندوش

- والاهم اللي عامل فيها تقيل يعني انا الثقيل وما بديش البنات وش شوفوه لما يكلمه ولد باسم بنت على الخاص

- ويا سلام بقى لما يوصف نفسه بالجميل الفتان ابوعيون واسعه اللي البنات عليه زى الرز
وتلاقيه وشه يقطع الخميرة من البيت

- وشوف بقى لو البنت ما ادتلوش وش يقولها ايه انتي فاهمه نفسك ايه انتى عارفه انتى بتكلمى مين
واديلوه فى شتيمه

وطبعا الكلام ده مش على كل الشباب لان فيه شباب محترمين

من طرف **ندى** الإثنين ديسمبر 03, 2007 2:40 am

والله والله انتى كل كلامك صح الصح

حصل قبل كده ودخلت الروم دى واول مدخلت

لقيت شباب بالهبل بيطلبوا منى او من البنات كمان التانيين

انهم يتكلموا على الخاص ومن يومها الروم دى مبحاولش ادخلها ابدا

وانصح كل بنت محترمه بجد متدخلهاش خاااااااااااااالص

لانها هتعرض نفسها لكلام هى فى غنى عنه مش حتموتوا يعنى من غير الشات

تحيتى شااااهى

من طرف **shahe** الأربعاء ديسمبر 05, 2007 12:04 pm

اكيد البنات مش حتموت لو دخلت رووم الشات لكن يعنى سيبهم يجربو يمكن يطلع حظهم كويس
ولعلمك أنا شخصيا اتعرفت على ناس محترمه من الرومات ديه
وشكرا لمرورك الجميل يا نوده

من طرف ساره العواني السبت ديسمبر 08, 2007 3:38 pm

عندك حق يا شاهي
بس انتي بتقولي تلاقي ابوة بيديلو 20 جنيه في الشهر
مش يمكن معندهوش اب اصلا
ولا عربيه
ولا حتي كمبيوتر وتلاقيه اعد في السيبر الساعه بجني
انا شوفت اشكال واصناف كتييييييييير
وكمان سمعت حكايات غريبه
المهم انا مبدخلش دلوقتي اي شات لاني عارفه ان اخرته غير محترمه
تصوري ان البنات كمان تلاقيهم اسلوبهم بشع في الكلام
انا لكيت كتير اوي
بس عاوزة اقول لكل بنت تكون عاقله وتخلي بالها من نفسها وتعرف ان الدنيا مبقيتش زي الاول
بس خلاص

من طرف **shahe** الثلاثاء ديسمبر 25, 2007 3:06 pm

كلامك مظبوط يا قمرى
وتصدقى كمان انى ساعات كنت اتكلم مع بنات على الشات الاقيهم اصلا ولاد واتكلم مع ولاد الاقيهم بنات
شكرا على مرورك الجميل يا ساره

بعض حركات الشباب بالمنتديات وغرف الشات

بعض حركات الشباب بالمنتديات وغرف الشات

رد: بعض حركات الشباب بالمنتديات وغرف الشات

رد: بعض حركات الشباب بالمنتديات وغرف الشات

رد: بعض حركات الشباب بالمنتديات وغرف الشات

رد: بعض حركات الشباب بالمنتديات وغرف الشات