قواعد " Made in Egypt " مرور

من طرف **shahe** الإثنين يناير 28, 2008 8:21 am

القاعده الأولى

لو عربيتك كبيره أو قديمه شويه

يبقى حتستخدم المبدأ القانونى اللى بيقول
اللى خايف على عربيته يوسع احسن

ملحوظة: ابعد عن سكة العربيات المتخرشمه لأنهم بيسوقوا بنظرية ضربو الأعور على عينه

القاعده الثانيه

البوز بيز

اللى حيدخل ببوز عربيته الاول للتقاطع هو صاحب أولوية المرور
فأحرص على أن تكون صاحب أول بوز

ملحوظة: لا تطبق هذه القاعده مع اللورى أو الأوتوبيس وذلك حرصاً على بوزك ولا مؤاخذه

القاعده الثالثه

الإشارات تكشف عن نواياك للأعداء
فأياك واستخدمها

القاعدة الرابعه

لا تترك مسافه للأمان بينك و بين السياره التى

أمامك فهذا له عدة مخاطر

عربيه ثانيه حتملأ الفراغ فى ثوانى و بردو مش حيبقى فيه مسافه بينك وبين اللى قدامك وكل اللى أنت كسبته انك اتأخرت لورا شويه يا شاطر

كل المشاه حيغمضوا عينيهم و يعدو من الحته ديه حتى بعد الأشاره ما تفتح ويعطلوك يا خفيف

حتدى فرصه للعيال المروشين يعملوا غرز قدامك يا حلو

اللى وراك لو سواق ملاكى حيقعد يزمر ده لو كان مؤدب

أو لو كان سواق تاكسى حتسمع شوية أسامى حيوانات ده لو كان مؤدب

أو لو كان سواق ميكروباص حيخبطك من ورا و دول مفيش حد منهم مؤدب

معلومه
الإشارات مش معموله عشان شكل البلد يبقى متحضر وبس