يا بخت الرجاله

من طرف **shahe** الأحد يناير 27, 2008 11:41 am

1- المكالمة التليفونيّة تنتهي خلال 30 ثانية أو دقيقه واحده.

2- تستحم و تكون جاهز للخروج في 10 دقائق .

3- رحلة لخمسة أيام تحتاج حقيبة واحدة فقط .

4- الأصدقاء لا يهتمّون اذا ازداد وزنك أو نقص .

5- الحلاّقين لا يستطيعون سرقتك " عيني عينك ".

6- عند تقليب المحطات على التلفاز لا داعي للوقوف عند كل لقطة فيها واحد بيبكي .

7- ليس هناك من داع لأن تحمل حقيبة ممتلئة ب" أشياء ضروريّة " كلّما خرجت .

8- تستطيع الذهاب إلى الحمّامات العامّة دون فرقة دعم أو مرافقة .

9- الكنية (اسم العيلة) يبقى نفسه مدى الحياة .

10- تستطيع ترك غرفة الفندق دون الحاجة لترتيبها .

11- إذا نسي أحد اصدقائك دعوتك لمناسبة ما ,لن يتسبب ذلك في تدمير صداقتكما .

12- الأزهار تحلّ جميع المشاكل .

13- ثلاث أزواج من الأحذية هي أكثر من اللاّزم .

14- ما بينهزّ بدنك إذا ما حد لاحظ قصّة شعرك الجديدة .

15- مزاج واحد في جميع الأوقات .

16- الشعر الأشيب : هيبة و جمال .

17- لا تهتمّ إذا كان في حد وراك بيحكي موضوع .

18- الريموت كونترول بيكون لك لوحدك .

19- اذا مضى وقت طويل و لم تتحدث عبر الهاتف مع صدبقك , لن يقول بين أصدقائك : إنّ "فلان " متغيّر .

20- إذا كنت في حفلة و ظهر أحدهم بنفس ملابسك , يمكن أن تصبحوا من أعزّ الأصدقاء .

21- لديك الحريّة المطلقة في أن تربّي شارب أو لا .

22- نفس قصّة الشعر قد تستمرّ لسنين , ربّما عقود .

23- أنت في الرابعة و الثلاثين وغير متزوّج .. مفيش مشكله.

24- كل أعضاء وجهك تحافظ على لونها الطبيعي.

من طرف ashraf الجمعة أبريل 25, 2008 4:09 pm

احنا ها نحسد و لا اية ما انتي متنسيش ان الرجالة هي اللي بتحارب مش الستات
و الرجالة اكثر عرضة لامراض زي الضغط و القلب نتيجة لانهم هما اللي بيشيلوا مسئولية البيت من الالف للياء
اما الست هانم فهي استاذة في النكد وبس
و كل سنة و انتوا حسادين اعه

من طرف ايناس الجمعة أبريل 25, 2008 5:37 pm

ههههههههههههه شاهى بصراحه الرجالة مفهمش حاجة عدلة عشان تقولى يا بختهم
وده رايى بصراحه

من طرف hello egypt الأحد أبريل 27, 2008 4:26 am

ايناس كتب:ههههههههههههه شاهى بصراحه الرجالة مفهمش حاجة عدلة عشان تقولى يا بختهم
وده رايى بصراحه

:íÈ:

اية دا يا ايناس بأة دة رأيك فيا
لأ بهزر
بس احنا اتغيرنا خالص

من طرف ايناس الأحد أبريل 27, 2008 2:32 pm

اهلاااااااااااااااااااااااااااااااااااااااااااااااااااااااااااااااااااااااااااااااااااااا يا هالووووووووووووووووو ايجيبت والله العظيم منور المنتدى
هههههههههههههه طبعا لآ ده رايى فى الشباب الطيشين بس
والحمدلله انكم اتغيرتوووو والحمدلله انك جيت المنتدى ومنور مرة كمااااااااااااااان

من طرف **shahe** الأحد مايو 04, 2008 7:24 pm

أشرف
بذمتك أنتو شايليين المسئوليه
ده على أساس انك بتمسح ولا بتطبج ولا بتغسل ولا بتخلف ولا بتربى العيال ولا بتوديهم المدرسه ولا بتقعد تذاكرلهم .......................
ونورت

من طرف **shahe** الأحد مايو 04, 2008 7:26 pm

ايناس
لأ فيهم حاجه عدله
انهم من خلق الله سبحانه وتعالى
ونورتى

من طرف **shahe** الأحد مايو 04, 2008 7:27 pm

هيلو ايجيبت
مستنيه تقولنا على التغييرات ديه
ونورت

من طرف **biker** الأربعاء مايو 07, 2008 3:54 am

شاهى الحاجات اللى بتقولى عليه دا كانت زمان
دلوقتى الكنس بقى بالمكنسة الكهربائية
والغسيل بقى بالغسالة الأوتوماتيك
والطبخ بتضعى الأكل على البوتاجاز وبتقعدى
تتفرجى على التليفزيون والأطفال بتشتركلهم فى باص المدرسة
يبقى فين المشقة بقى
اللى بتتحجج بيها الستات أو البنات
لكن الراجل بيطلع عينه فى توفير لقمة العيش
لتستمر الحياه وتعيشى أنتى والأولاد فى سعادة ولازم يفتكر الزوجة باى شئ
مجوهرات يعنى يا أما كدة يا أما تقولوا كل الأزواج بخلاء والأشاعات تكتر
وصحيح على راى أشرف الحرب مش أنتوا اللى
بتكافحوا أحنا اللى بنموت وأنتوا تتجوزوا غيرنا وأهوه
راح والسلام والحى أبقى من اللى مات

بشكرك على موضوعك هذا